पालिकेच्या सन 2017 च्या निवडणुका 21 फेब्रुवारीला पार पडल्या या निवडणूक लढवताना उमेदवाराला आपली खरी माहिती द्यावी लागते. त्यासाठी प्रतिज्ञापत्र लिहून घेतले जाते. महत्वाचे म्हणजे जात प्रमाणपत्र, वय, शिक्षण, मालमत्ता, व्यवसाय आदींबाबत प्रतिज्ञापत्रात माहिती उमेदवारांकडून भरली जाते. निवडणूकीचा निकाल लागल्यानंतर पराभव झालेले उमेदवार आपल्या प्रतिस्पर्धी विजयी उमेदवाराची प्रत्यक्ष माहिती व प्रतिज्ञापत्रात दिलेली माहिती कशी विसंगत आहे, याकडे लक्ष वेधून आरोप केला जातो. पालिका निवडणुकीनंतर काहींनी तसे जाहिरपणे आरोपही केले. यंदाच्या निवडणुकीनंतर विविध प्रकारच्या सुमारे 135 तक्रारी न्यायालयात दाखल करण्यात आल्या . यांमध्ये 40 टक्के तक्रारी फक्त जात प्रमाणपत्राच्या असल्याचे सांगण्यात येते. या प्रकरणी पालिकेच्या विधी खात्याच्या संबंधित अधिका-यांनाही न्यायालयात चकरा माराव्या लागत असल्याची माहिती सूत्रांनी दिली.
Post a Comment